ليه عايشين بوشين؟!
ااه من الجمال الطاهر؟؟ واااه من اللسان اللى مايعرف غير الزين؟؟
كلمته بتكون كلمه واحده مايعرفش للكلمه معنايين
ليه عايزين نعيش حقيقه مش بتاعتنا؟؟ وليه بنخدع وعلى الخديعه مصممين؟؟
عشان مانضحكش على نفسنا؟؟ ولا على ناس تانيين؟؟
وهى الحقيقه مش هاتتعرف فى يوم أو سنه من السنين؟؟
ولا عشان عايزين كل حاجة لينا نقوم نعيش بوشين؟؟
مين اللى قال ان البشر كامل؟؟ الكمال لمحمد ورب العالمين
عشان كدا لا الوحش ناقص ولا الجميل كامل وزين
كلنا بنكمل بعض كلنا من أدم وكلنا من طين..
خلوا على لسانا اللى فى قلوبنا واللى يقبلنا نشيله ع الراس وجوه العين
والناقص عندنا اللى يعرفنا واجب يكملهولنا ومن غير كبر مستمعيين
لكن سيبكم بقى من تزييف الحقيقه.. سيبكم بقى واخلعوا القناع.
الحقيقه أصلها لازم هاتتعرف... وفى ألآخر احنا اللى هانذوق ألآوجاع
لما نلاقى كل اللى حوالينا بيشترى غيرنا.. واحنا اللى ننباع.
ساعتها هايكون جرحنا فراق.. أهات .. عذاب وأنين
من كل نوع.. واحنا اللى عملنا بنفسنا كدا مانكنش مستغربين
حبينا نعيش حقيقه مش حقيقتنا.. حبينا نكون بوشين
--------------------